MENU

Setau Conferéncia Annau dera Associacion Internacionau de Comissaris Lingüistics

9 de seteme de 2022

Bilbao, País Basc – Era Associacion Internacionau de Comissaris Lingüistics (IALC) a concludit aué en Bilbao, País Basc, era setau Conferéncia Internacionau Annau e era assemblada generau annau. Es membres dera Associacion non s'auien amassat personalament dempús d'abans der inici dera pandemia dera COVID-19.

"Dempús de mès de tres ans sense amassar-se, era conferéncia e era assemblada generau sigueren ua escadença entà qu'es membres se retrobèssen e se comprometessen de nau damb era nòsta mission de sostier e promòir es drets lingüistics, era igualtat e era diuersitat en tot eth mon", didec Raymond Théberge, comissari de Lengües Oficiaus deth Canadà e president gessent dera IALC.

Pendent es dus dies que durèc era conferéncia, eth grop organizèc sessions e panèls enes quaus s'abordèren diuèrsi tèmes, coma er impacte dera pandemia dera COVID-19 enes comissaris lingüistics e es drets lingüistics, es rèptes e es oportunitats que presenten es hilats sociaus, eth papèr des lengües oficiaus laguens des foncions des institucions d’ombudsman, es rèptes de complir eth mandat deth comissari lingüistic e era gestion eficienta des investigacions deuant es pressions extèrnes.

Pendent era assemblada generau annau, es membres dera associacion acordèren, coma part deth sòn pròplèu plan de trabalh, crear ua categoria de membre observaire entà perméter qu'es jurisdiccions que non complisquen es critèris d'apertenença definidi etnà èster membre dera Associacion poguen participar egalament as activitats dera IALC.

Ena assemblada generau tanben s'escuelhec eth Comissari de Lengua Gallesa entara presidéncia e era secretaria dera Associacion entar an que ven.

IALC - Twitter

IALC - Facebook