Sus nosati
Mission
Era mission dera Associacion Internacionau de Comissionadi de Lengua ei potenciar e fomentar era igualtat, era diuersitat e es drets lingüistics per tot eth mon e dar supòrt as comissionadi de lengua perque poguen trabalhar as maximaus nivèus professionaus.
Declaracion de principis
Era Associacion Internacionau de Comissionadi de Lengua contribuís a potenciar eth papèr des comissionadi de lengua per tot eth mon en tot promòir bones practiques e nivèus d’excelléncia.
Valors
Es valors dera Associacion Internacionau de Comissionadi de Lengua son:
- Integritat: era associacion a d’amiar a tèrme totes es activitats de manèra responsabla, damb equanimitat e rendicion de compdes de cap tàs sòns membres e tara profession.
- Servici: era associacion a d’assistir as sòns membres en tot proporcionant-los eth melhor assessorament e era ajuda adequada.
- Respècte: era associacion a de promòir eth respècte entà totes es lengües.
- Collaboracion: era associacion a de fomentar era interaccion entre es sòns membres e collaborar damb autes institucions entà difóner era sua mission e promòir es drets, era igualtat e era diuersitat lingüistics.
- Independéncia: era associacion a de promòir eth principi d’independéncia des comissionadi de lengua.
Objectius
Es objectius dera Associacion Internacionau de Comissionadi de Lengua son:
- Promòir, potenciar e fomentar es drets, era igualtat e era diuersitat lingüistics.
- Compartir experiéncies, bones practiques, coneishements e contactes damb es diuèrsi comissionadi.
- Fomentar e facilitar er intercambi d’informacion, era formacion e recorsi entre es comissionadi de lengua (includit er escambi d’oportunitats laboraus).
- Incrementar eth coneishement e era conscienciacion sus eth papèr e era importància des comissionadi de lengua entre es govèrns, es agéncies estataus, es responsables polítics, es academics, es mieis de comunicacion e era poblacion en generau.
- Ajudar as regions que volguen crear un comissionat de lengua o promòir es dres lingüistics.
- Cooperar damb organizacions analògues que valoren era promocion e era proteccion des drets e era diuersitat lingüistics..
- Definir, publicar e revisar es critèris entath reconeishement des oficines de comissionadi de lengua e autrejar era condicion de membres ad aqueri que complissen es requisits fixadi.